Кыздар көрүүчүлөргө талантын тартуулап, дефиле көрсөтүп, кечки салтанат көйнөктөрүн кийип чыгышты. Жеңүүчү Айжан Чаначева Нарын облусунун атынан катышкан. Ал Лондондо өтө турган "Дүйнө сулуусу" сынагына катышууга жолдомо алып, андан сырткары, рубин чөгөрүлүп жасалган алтын таажыга жана 100 миң сомго ээ болду.
Биринчи вице-мисс таластык Саадат Курманбекова, экинчи вице-мисс Ысык-Көлдөн келген Айганыш Кубанычбекова болду. "Мисс спорт" деп Баткендин намысын коргогон 18 жаштагы Алина Осмонова табылды. Ангелина Гаранина "Мисс ОРО" (зергерлик боюнча дүйнөлүк бренддин өкүлү) наамына татыды.