БИШКЕК, 13-окт. — Sputnik. Кыргызстанда 2019-жылдын III кварталында жашоо минимумунун көлөмү 4839,05 сомду түзүп, өткөн жылдын тиешелүү мезгилине салыштырганда 4 пайызга өстү. Бул туурасында Улуттук статистика комитетинин маалымат кызматынан кабарлашты.
Ал эми өткөн кварталга караганда 2,1 пайызга жогорулаган.
Жашоо минимумунун нарктык өлчөмүнүн облустар боюнча эң жогоркусу — Жалал-Абад, эң төмөнкүсү Талас облусунда байкалган.
Кыргызстанда бир айлык жашоого канча акча кетет. График
Sputnik Кыргызстан маалымат агенттиги "Бир айда жашоо-тиричиликке керектелүүчү акчага Жогорку Кеңештин депутаттары жашай алабы?" деген темада сурамжылоо уюштурган. Эл өкүлдөрү сөз болуп жаткан акча канча күнгө жетерин жана бул суммага бир ай жашай алар-албасын айтып беришкен.