БИШКЕК, 12-окт. — Sputnik. Кара-Балта шаарындагы хоспистен УЗИ аппараттын уурдап кетишкендигин Чүй облустук милициясынан кабарлашты.
2 000 доллар турган аппаратты 11-октябрдан 12исине караган түнү Жайыл райондук аймактык биргелешкен ооруканасынын аймагындагы хоспистин стационардык бөлүмүнөн уурдашкан.
Бул медициналык жабдуу аталган жайда жаткан оорулуулардын, Кызыл жарым ай уюмунун Карылар үйүндөгү жалгыз бой адамдардын илдетин изилдөө үчүн алынган. Окуя болгон учурда хосписте кызматкерлер менен бейтаптардын болгону айтылды.
Милиция Жазык кодексинин 200-беренеси (“Уурулук”) менен кылмыш ишин козгоп, учурда тергөө амалдары жүрүүдө.