БИШКЕК, 11-окт. — Sputnik. Президент Сооронбай Жээнбеков бүгүн, 11-октябрда, Ашхабад шаарында (Түркмөнстан) Көз карандысыз мамлекеттердин шериктештигинин мамлекет башчыларынын кеңешинин (КМШ МБК) кезектеги жыйынынын алкагында Тажикстандын президенти Эмомали Рахмон менен жолукту. Бул тууралуу мамлекет башчынын маалымат кызматы билдирди.
Жолугушууда Кыргызстан менен Тажикстандын эки тараптуу кызматташуусунун азыркы абалы жана аны чыңдоо, анын ичинде чек ара кызматташтыгы да талкууланган.
Эки өлкөнүн президенттери жакынкы келечектеги кызматташуунун артыкчылыктуу пландарын сүйлөшкөн.
Мамлекет башчылары кыргыз-тажик мамлекеттик чек арасын делимитация жана демаркациялоо процессин тездетүүнүн маанилүүлүгүн баса белгилешкендиги айтылды.