БИШКЕК, 11-окт. — Sputnik. Ишембиде күндүз Ысык-Көл облусунун көпчүлүк аймактарында, Чүй, Нарын облустарынын кээ бир райондорунда жаан, тоолордо кар жаайт. Калган аймактарда жаан-чачын жаабайт.
Кыргызгидрометтин маалыматына ылайык, батыштан соккон шамалдын ылдамдыгы секундасына 4-9 метрден, Ысык-Көл акваториясында 15-20 метрге жетет.
Абанын температурасы Чүй, Талас облустарында +13...+18, Ош, Жалал-Абад, Баткенде +19...+24, Ысык-Көл жана Нарын өрөөндөрүндө +9...+14 градус жылуу болот.
Ош шаарында күн ачык болуп +21...+23 градус жылуу болсо, борбор калаада мезгил-мезгили менен жамгыр жаап, күндүн табы +16...+18 градуска чейин көтөрүлөрү айтылды.