БИШКЕК, 8-окт. — Sputnik. UFC чемпиону Хабиб Нурмагомедов Кыргызстанга келет. Бул туурасында ал кыргызстандык ишкер Тимур Файзиев менен Санкт-Петербургда жолукканда айткан.
Жолугушуу учурун ишкер өзүнүн Instagram баракчасына жарыялады.
Спортчу Файзиевдин чакыруусун кабыл алып, бирок качан келерин так айткан эмес.
"Ооба, сөзсүз барам. Азыр сүйлөшүүлөр жүрүп жатат. Былтыр да барып келгем, мында да барууга камынып жатам", — деди Нурмагомедов.
Россиялык мушкер Хабиб Нурмагомедов жеңил салмак категориясы боюнча UFC чемпиону. Ал былтыр январь айында Бишкек менен Ош шаарларына келип, күйөрмандары менен жолугуп кеткен.