БИШКЕК, 6-окт. — Sputnik. Майрамдык иш-чарада кылмышкерлерди кармоо операциясын көргөзүп жаткан Тез арада аракетке келүүчү атайын отряддын (СОБР) аскерлери тизилип турган милиционерлердин жүрөгүн түшүрдү. Бул видео социалдык тармактарда тарады.
Бишкек шаардык милициядан билдиргендей, окуя 5-октябрь күнү борбор калаада Кылмыш издөө кызматкерлеринин кесиптик күнүнө карата өткөн иш-чара учурунда болгон.
Бул күнү оперкызматкерлер элдин тынчтыгын жана коопсуздугун сактоого жан үрөп иштеп, кызмат учурунда каза болгон кесиптештерин эскеришкен. Бир катар тартип коргоочуларга ведомстволук медаль, грамота жана башка сыйлыктар ыйгарылган.
Андан соң Бишкек ШИИБдин СОБР аскерлери террорчулар барымтага алган жарандарды куткаруу операциясын көрсөтүп беришкен.
Кызыктуу жана маанилүү жаңылыктарды алгачкылардан болуп билгиңиз келеби?
Биздин Telegram-каналга жазылыңыз.
Биздин Telegram-каналга жазылыңыз.