БИШКЕК, 6-окт. — Sputnik. Нью-Джерси штатында (АКШ) жайгашкан Newark Beth Israel медициналык борбору жүрөк алмаштыруу боюнча операциядан кийин көз жумган Дэррил Янг аттуу адамды оорукананын рейтинги түшүп кетпеши үчүн бир жылга чукул жүрөктү жасалма жол менен иштеткен аппаратта кармап турушкан. Бул тууралуу Daily Mail басылмасы жазды.
Бир аз күн мурда дарыгерлердин жыйынында жашыруун жазылып алынган аудио тарап кеткен.
"Быйылкы жылдын апрель айында болуп жаткан жабык жыйын учурунда клиниканын жүрөк жана боор алмаштыруу боюнча программасынын директору Марк Цукер "оорулууну жок дегенде 30-июнга чейин кармашыбыз керек" деп айтканы жазылып калган. Ошол эле учурда алар күн сайын 61 жаштагы Янгдын жакындары менен жолугуп, бирок анын эч качан айыкпай турганын айтып коюуга жараган эмес", — деп жазылат макалада.
Башкалар бир нече ай бою адамды жүрөктү иштетип турган аппаратта кармоо өтө кымбат экенин, бул анын үй-бүлөсүнө оңбогондой чыгым келтиргенин айтып нааразы болууда.
Макалада дарыгерлерге курал болгон Дэррил Янгдын андан аркы тагдыры тууралуу айтылган эмес.