БИШКЕК, 5-окт. — Sputnik. UFC чемпиону Валентина Шевченко голливуддук актриса Холли Берри менен киного тартыла турганын кабарлады.
Кыргызстандык спортчу актриса менен чогуу түшкөн сүрөтүн Twitter баракчасына жүктөгөн.
Шевченко Берри менен таанышып, кинодолбоорго катышып жатканына кубанычта экенин билдирген.
Спортчу менен актрисанын чогуу тамактанган да сүрөтү жарыяланды. Алардын жанында Валентинанын машыктыруучусу Павел Федотовдун отурганын көрүүгө болот.
Фильм тууралуу башка эч кандай маалымат айтылган эмес.
Ал эми 53 жаштагы актриса "Люди Икс", "Умри, но не сейчас" сыяктуу тасмаларда жараткан ролдору менен белгилүү. Андан сырткары, ал быйыл чыккан "Джон Уик 3" фильмине да тартылган.