БИШКЕК, 4-окт. — Sputnik. Түрк тилдүү өлкөлөрдүн эң мыкты фотографтары Ош тууралуу сүрөт көргөзмө даярдашат. Бул тууралуу калаа мэриясынан билдиришти.
Маалыматка караганда, бүгүн, 4-октябрда, Ош шаарынын вице-мэри Нурбек Кадыров түрк эл жазуучусу Ашик Вейселдин 125 жылдыгына жана "Ош түрк дүйнөсүнүн фотографтарынын көзү менен" аттуу иш-чарага келген сүрөтчү жана артисттер менен жолукту.
"Вице-мэр конокторго чыгармачылык ийгилик каалады. Ал ошондой эле тажрыйбалуу фотографтар Ош шаарынын маданиятын, жаратылышын, салт-санаасын мыкты чагылдырарына ишеним артты", — деп айтылат маалыматта.
Белгилей кетсек, көргөзмө түрк элдеринин ортосуна көпүрө түзүү, тарых, маданият, искусство, салт-санааны урпактарга өткөрүп берүү максатын көздөйт.
Иш-чара ТҮРКСОЙ уюмунун колдоосу менен "Ош — түрк дүйнөсүнүн маданий борбору-2019" эл аралык программасынын алкагында өтүүдө.
Биздин Telegram-каналга жазылыңыз.