БИШКЕК, 30-сен. — Sputnik. Социалдык тармактын колдонуучулары жаңы баш катырманы кызуу талкууга алып жатышат. Тагыраагы, сүрөттөн леопардды издешүүдө.
Twitter тармагынын Bella lack аттуу колдонуучусу ага тааныштары сүрөт жиберип, андан жырткычты табууну суранышканын билдирген. Бирок ал бул тапшырманы аткара албай койгон.
Колдонуучулар леопард сүрөттүн кайсы жеринде экенин издеп баш катырышууда. Resister Dog деген киши сүрөттүн алдына "леопардды издеп жатып башым ооруп чыкты" деп жазган.
Zack Ickowicz болсо жоопту таба албай акылдан айнып калганын билдирди.
"Мен муну тапканча бул дүйнө менен коштошуп кетет окшойм", — деди Laura Jennings.
Antoonna аттуу колдонуучу "менин мээм иштебейт окшойт" деп өзүн жемелеп кирди.
Бирок сүрөттөн жырткычты таап алгандар дагы болду. Көрсө леопард бактын сол тарабындагы чуңкурга жатып алган экен.