БИШКЕК, 27-сен. — Sputnik. Жалал-Абадда АКШнын Тынчтык корпусунун ыктыярчылары бир килограмм баңгизат менен кармалышканын облустук милициянын маалымат кызматы тастыктап, окуянын чоо-жайын айтып берди.
Такси менен бараткан ыктыярчылар 19-сентябрь күнү колго түшүрүлгөн.
"Облустук милициянын кызматкерлери Бишкек — Ош жолунда Honda Odyssey унаасын токтоткон. Машинада АКШнын көз карандысыз федералдык Тынчтык корпусу агенттигинин ыктыярчылары, Американын эки жараны болгон. Милиционерлерге эркектер шектүү көрүнүп, унааны карап чыгууну чечишкен. Текшерүү учурунда арткы орундукта отурган жүргүнчүлөрдүн жанынан 1 килограмм 26 грамм көлөмүндөгү кара куурайга окшош жашыл зат табылган", — деп айтылат маалыматта.
Ыкчам тергөө иш-чараларынан кийин чет элдиктерден алынган зат соттук-химиялык экспертизага жиберилип, кара куурай экени аныкталган.
Ал эми экинчиси бошотулган.
Белгилей кетсек, Тынчтык корпусу Кыргызстанда 1993-жылдан бери иштеп келет. Бул убакыт аралыгында өлкөгө англис тили мугалими болуп иштеп кеткен ыктыярчылардын саны миңге чукулдады. Учурда өлкөнүн ар кыл облустарында уюмдун 70ке жакын ыктыярчысы эмгектенүүдө.
Кармалган ыктыярчы Жалал-Абад облусунун Аксы районундагы орто мектептердин биринде англис тилин окутуп келген.
Биздин Telegram-каналга жазылыңыз.