БИШКЕК, 26-сен. — Sputnik. Кыргызстан башка өлкөлөрдүн рыногун кантип кызыктыра аларын Евразиялык экономикалык комиссиянын соода боюнча министри Вероника Никишина айтып берди. Ал "Евразия жумалыгы — 2019" эл аралык көргөзмө форумунун алкагында өткөн маалымат жыйында сүйлөдү.
Анын айтымында, азыр Кыргызстан айыл чарба жана азык-түлүк тармагында атаандаштык жарата алат, бул багытта артыкчылыкка ээ.
"Мындай товарлар үчүн преференциалдык шарттарды алып жана сунуш кылабыз. Бул Кыргызстандын башка өлкөлөрдүн рыногуна чыгышы үчүн жасалып жатат. Биз Иран менен сүйлөшүүлөрдү жүргүзүп жатканда кыргыз өндүрүшчүлөрүнөн сунуштарды алдык. Буурчак түрүндөгү азыктар, койдун эти жана башка товарлардын преференциалдык режимде болушу айтылган", — деди ал.
Никишина кыргызстандыктар кошумча бааны коюуда өзүнүн ордун таап алышы керектигин айтты.
Министр ЕАЭБге мүчө өлкөлөр негизинен кооперациялык программалар жаатында тыкыр иш алып барышы керектигин айтты.
Биздин Telegram-каналга жазылыңыз.