БИШКЕК, 25-cен. — Sputnik. Кыргызстандык ишкер Тимур Файзиев эл аралык Synergy Global Forum иш-чарасына катышат. Бул туурасында форумдун сайтында айтылат.
Жыл сайын форумдун аянтчасында белгилүү ишкерлер, топ-менеджерлер, маданият жана спорт ишмерлери, журналисттер жана башка тармактагылар сөз сүйлөшөт. Уюштуруучулар бул адамдар коомдо бурулуш жасаганын белгилешти.
Файзиев спикерлердин арасында девелопер, Кыргызстандагы курулуш компаниянын ээси, курулуш тармагында эксперт жана бизнес-тренер катары тааныштырылат.
Ал форумда "Ресурстун сыйымдуулугу - ийгиликке жетүүнүн куралы" деген тема менен чыгат.
Иш-чарага актер жана Калифорниянын экс-губернатору Арнольд Шварценеггер, UFC чемпиону Хабиб Нурмагомедов жана башка атактуулар катыша турганы айтылды.
Форумда жалпысынан беш аянтча, 200дөн ашык спикер жана 50 миң киши болот.