БИШКЕК, 23-сен. — Sputnik. Нур-Султан шаарында өткөн грэпплинг боюнча дүйнө чемпионатында кыргызстандык спортчулар 11 медаль утушту. Бул тууралуу КРдин спорттун аталган түрү боюнча федерациясынан кабарлашты.
Эки күнгө созулган мелдеш 23-сентябрда аяктады.
Кыргызстандыктар бир алтын (Абдурахман Муртазалиев), бир күмүш (Абдылдабек Кекенов) жана тогуз коло медаль утушкан.
Жалпы командалык эсепте кыргызстандыктар Россиядан кийин эле экинчи орунга татыган.
Грэпплинг япондордун жиу-житсу кармашынын европалык модификациясы. Ал күрөш дисциплинасынын бардык техникаларын камтыйт.