БИШКЕК, 20-cен. — Sputnik. Улуттук көчмөндөр оюндарынын алкагында өтүп жаткан көк бөрү оюнунун финалына Чүй облусунун командасы чыкты.
Белгилей кетсек, Талас облусунда 16-сентябрь күнү Көчмөндөр оюндары башталган. Улуттук иш-чара 21-сентябрга чейин уланат.
Чүйдүн улакчылары таластыктар менен беттешип, 5:2 эсебинде жеңип алды.
Эми Ош облусу менен Бишкек шаарынын командалары оюн талаасына чыкты. Жеңүүчү команда финалда Чүй облусунун оюнчулары менен кездешип, баш байге үчүн ат салышат.