БИШКЕК, 17-сен. — Sputnik. Президент Сооронбай Жээнбенков Катар өлкөсүнө Чыңгыз Эшимбековду элчи дайындаган Жарлыкка кол койгонун өлкө башчынын маалымат кызматы билдирди.
Эскерте кетсек, Нуран Ниязалиев тышкы иштер министринин орун басары болуп дайындалгандан кийин аталган кызмат орду бош болчу. Ал эми Эшимбеков буга чейин Бириккен Араб Эмирлигиндеги элчинин милдетин аткарып келген.
Дагы бир Жарлык менен Руслан Бийбосунов Россиянын Сибирь жана Урал федералдык округдарын камтыган консулдук округу менен Екатеринбург шаарындагы Кыргызстандын башкы консулу болду. Аталган кызматты буга чейин Бообек Салимжанов ээлеп келген.
Мындан тышкары, Калдарали Маматалиев Россия Федерациясынын Алтай Республикасынын, Алтай крайынын, Кемеров, Новосибирск, Омск жана Томск облустарын камтыган консулдук округу менен Новосибирск шаарындагы Кыргызстандын башкы консулу болуп дайындалды.