БИШКЕК, 17-сен. — Sputnik. Жалпы баасы 500 миң долларга барабар 11,6 килограммдык "Кызыл корунд" табигый ташын алып кетип бара жаткан кишини бажычылар кармады. Бул туурасында Бажы кызматынан билдиришти.
"Манас" бажысынын кызматкерлери "Манас" эл аралык аэропортунда Кыргызстандын А. уулу Р. аттуу жаранынын кол жүгүн текшергенде, баалуу таш табылган. Анысы бажылык декларациядан өтпөгөнү аныкталганы айтылат.
Бул факт Кылмыш жана жоруктардын бирдиктүү реестрине катталып, материалдар Экономикалык кылмыштарга каршы күрөшүү кызматына өткөрүп берилди.