БИШКЕК, 17-сен. — Sputnik. Кийинки жылы Бишкек шаарынын түндүк жана түштүк аймактарында бирден парк ачыларын мэриянын маалымат кызматы билдирди.
Капиталдык курулуш башкармалыгы курулуш-монтаждоо иштерин жүргүзүү үчүн тендер жарыялады. Мэриядан ачыла турчу парктарды долбоорлоодо шаар тургундарынын сунуш-пикирлери эске алынганын айтышты.
Муниципалитет шаардын түштүк тарабындагы сейил бакка 1916-жылдагы Үркүн окуясына арналган атайын стелла орнотулат. Парк Байтик баатыр менен Токомбаев көчөлөрүнүн кесилишинде жайгашып, 10 гектарды ээлейт.
"Бул жерде ачык асман алдында ар кандай маданий иш-чараларды өткөрүүгө болот деп ойлойбуз. Ошондой эле амфитеатр, балдар аянтчасын куруу да каралган. Андан сырткары, веложол дагы салынат", — деп айтылат маалыматта.
Мэриядан кабарлашкандай, эки парктын ичинде тең дааратканалар, машина токтотуучу жай болот.
Шаардын түштүк тарабына салына турчу парктын курулуш-монтаждоо иштери 84 миллион сом болсо, экинчи паркка 58,5 миллион сом коротулат.
Биздин Telegram-каналга жазылыңыз.