БИШКЕК, 16-сен. — Sputnik. Индиядагы Гуджарат штатындагы Жунагадх шаарында түнкүсүн арстандардын үйүрү менен көчө аралап жүргөндүгүн көрүүгө болот. Бул туурасындагы маалыматты India Today сайты жергиликтүү тургунга шилтеме кылып жазып чыкты.
Түнкү көчөдө иттердин чуулдап үргөнүнө көңүл бөлбөгөн тейде арстандар бейкапар басып жүрөт, ал тургай адамдар жашаган тарапты тиктеп да турат.
Санай келгенде алардын жетиден кем эмес азия түрүндөгү арстандар болуп чыккан.
Аймактын токой мекемесинин өкүлү Сунил Кумар Бервал жырткычтар шаарга жакын жайгашкан Гир токоюнан келиши мүмкүндүгүн жазды.
"Бул жерден арстандардын жолу өтөт. Алар түнү жойлоп чыгат да, кайрадан токойго кирип кетишет", — деген ал.
Азия арстандары түштүк Евразиянын аймагында Грециядан Индияга чейин тараган. Ал эми алар азыр аталган аймактагы Гир токоюнда гана калган. 2015-жылы саны 523 экендигин тактап чыгышкан. Жырткычтардын токойдон курсагын тойгуза албагандыктан, эл жашаган жерге да түшүп келип турары айтылды.