БИШКЕК, 14-сен. — Sputnik. АКШнын Улуттук коопсуздук агенттигинин мурдагы кызматкери Эдвард Сноуден Россияда жашыруун үйлөнгөнүн британиялык The Guardian басылмасына маек берип жатып билдирди. Бул тууралуу РИА Новости жазды.
Сноудендин айтымында, ал эки жыл мурда Россияда өзүнүн сүйүктүүсү Линдсей Миллге баш кошкон.
"Алгач Россияда өзүмдү жалгыз сезип, мени америкалык чалгындоочулар көзөмөлдөп жатат деп коркком. Үйлөнүү тою жашыруун өтүп, никебиз жергиликтүү ЗАГСтардын биринде катталган", — деди Сноуден.
Сноуден Москвада ээн-эркин басып, коомдук жайларга баш багып, өзүнүн келечегин ошол жактан көрүп жатканын билдирген.
Кийин Гонконгго качып, андан ары Москвага аттанган. Аталган шаардын аэропортундагы транзиттик зонада бир нече убакыт кармалып турган. Кийин Россия ага убактылуу баш паанек берип, бирок АКШга каршы иштерин токтотуу талабын койгон. 2014-жылы ага жашаганга турак-жай берилген жана саякаттоого уруксат алган.
Биздин Telegram-каналга жазылыңыз.