Турист кыздын башында GoPro камерасы болгондуктан окуя баштан-аяк видеого тартылып калган. Бул учур ViralHog YouTube-каналына жарыяланды.
Кадрдан кыз шаркыратманын үстүнө чыгып, жаратылышка суктанып турганын көрүүгө болот. Бир маалда анын буту тайып кеткен да, таштарга ары-бери урунуп, тайыз суунун үстүнө түшкөн. Мунун кесепетинен 10 кабыргасы жана далысы сынганы айтылат.
Жаракат алган туристти тик учак менен ооруканага алып кетишкен. Фримен мурда ал шаркыратмадан кулаган адамдар каза болгонун айтып, мында "мени Кудай өзү сактады" деп жазган.