БИШКЕК, 11-сен. — Sputnik. Кечээ, 10-сентябрда, тышкы иштер министри Чыңгыз Айдарбеков Кыргызстандагы чет мамлекеттердин ардактуу консулдары менен кеңешме өткөрдү. Бул тууралуу ТИМдин маалымат кызматы билдирди.
Жыйында консулдар менен экономикалык, маданий-гуманитардык жана социалдык чөйрөлөрдөгү кызматташтык маселелери талкууланды.
Министр Чыңгыз Айдарбеков ардактуу консулдар менен жолукту
© Фото / пресс-служба МИД КР
"Ардактуу консулдар институту чет өлкөлөр менен натыйжалуу иштешүү үчүн маанилүү", — деди министр.
Кеңешменин жүрүшүндө бир катар ардактуу консулдарга өзгөчө активдүүлүгү жана эки тараптуу кызматташтыкты бекемдөөгө кошкон салымы үчүн ыраазычылык каттары тапшырылды.