БИШКЕК, 10-сен. — Sputnik. 9-сентябрда калың жааган кардан улам Суусамыр айылынын Сандык жайлоосунда койчулар мал-жандыгы менен калып калышкан. Бул тууралуу ӨКМдин маалымат кызматы билдирди.
Ага ылайык, чабандарды көчүрүп келүү максатында ӨКМдин Жайыл районундагы бөлүмүнөн жети куткаруучу жана Суусамыр айыл аймагынан бир трактор тартылган. Кошумча маалымат кийин берилерин министрликтен эскертишти.
Белгилей кетсек, Суусамыр өрөөнүндө жааган жамгыр карга айланып, аймактагы миңдеген гектардагы арпаны басып калган. Бул маселени Жогорку Кеңештин депутаты Тынчтыкбек Конушбаев да комитеттин жыйынында көтөргөн болчу.