Кыргызстанда суициддин алдын алуу күнү 2016-жылдан бери белгиленип келет. Бул тууралуу Эмгек жана социалдык өнүктүрүү министрлигинин өкүлү Динара Асанова Sputnik Кыргызстан радиосунун таңкы эфиринде маек куруп жатып билдирди.
Анын айтымында, суицид — өспүрүмдөр арасындагы эң көйгөйлүү маселелердин бири.
"Бул күн Кыргызстанда үч жылдан бери белгиленип, суицидге олуттуу көңүл бурулуп келет. Өспүрүмдөрдүн арасындагы эң көйгөйлүү маселелердин бири — өз өмүрүнө кол салуу. Аталган тармакта тиешелүү министрликтер чогуу мындай терс көрүнүштүн алдын алуу максатында түрдүү иш-чараларды уюштуруп келебиз", — деди Асанова.
Ал ошондой эле өспүрүмдөрдүн суицидге баруусунун негизги себеби миграцияга байланыштуу экенин кошумчалады.