БИШКЕК, 6-сен. — Sputnik. Бишкек ТЭЦтен эки электрослесарь жеңил күйүк алганын "Электр станциялары" ААКнын маалымат кызматынан кабарлашты.
Мекеменин маалыматына ылайык, окуяга турбиндин убактылуу өчүп калышы себеп болгон. Компаниядан дарыгерлер кызматкерлердин абалын канааттандырарлык деп баалаганын кошумчалашты.
Жабдуу кайра ишке кирип, учурда электр энергиясын иштеп чыгууда эч кандай чектөөлөр болбогону белгиленет.
Окуяны кененирээк атайын түзүлгөн комиссия иликтейт. Компания кызматкерлерине жардам көрсөтүлүп жатканын белгиледи.