БИШКЕК, 5-сен. — Sputnik. Бишкекте мыкаачылык менен сабалган кишилердин туугандары Жогорку Кеңештин имаратынын алдына митингге чыгышты.
Алар бир жумадан бери шектүүлөрдүн табылбай жатканына нааразы болушууда.
Акцияга катышып жаткандардын бири "беш киши шектүүлөрдү оңой эле таап аларын" айтууда, бирок туугандары бардыгы мыйзамдын чегинде болушун каалап жатышат. Митингчилер Ички иштер министрлиги резонанстуу ишке кайдыгер болуп жатканын белгилешти. Акцияга катышып жаткандардын арасында жабырлануучулардын аймактардан келген туугандары дагы бар.
Адамдарды сабоо фактысы боюнча Бапышев Жаныбек Сеитбекович менен Сеитбеков Калысбек Сеитбекович изделип жатат. Ички иштер органынан милициянын майору Казыбек Бапышев иштен алынды. Ал шектүүлөрдүн биринин агасы экени белгилүү болуп, учурда кылмыш иши козголду. Мындан сырткары, милициянын эки кызматкери иштен алынып, дагы экөө катуу сөгүш алган.