БИШКЕК, 5-сен. — Sputnik. 6-сентябрь, жума күнү, Чүй, Талас, Жалал-Абад, Ысык-Көл, Нарын облустарынын көпчүлүк аймактарында, Ош, Баткендин кээ бир райондорунда жаан жаап, күн күркүрөйт, бийик тоолуу райондордо кар жаашы күтүлөт. Бул тууралуу Кыргызгидромет маалымдады.
Батыштан соккон шамалдын ылдамдыгы секундасына 4-9 метрден, кээ бир райондордо 15-20 метрге чейин жетет.
Билдирүүгө ылайык, абанын температурасы Чүйдө +18…+23, Таласта +15…+20, Нарында +17…+22, Ысык-Көлдө +16…+21, Ош, Баткен жана Жалал-Абад облустарында +20…+25 градус жылуу болот.
Ал эми Бишкек шаарында мезгил-мезгили менен жаан жаап, күндүн табы +21...+23 градуска чейин көтөрүлсө, Ош калаасында күн ачык болуп абанын температурасы +22…+24 градуска жетет.