БИШКЕК, 4-сен. — Sputnik. Букмекерлер Кыргызстандын футбол боюнча курама командасынын дүйнө чемпионатына тандоо турунда мүмкүнчүлүгү жакшы деген пикирде.
Marathonbet букмекерлик ишканасы Кыргызстан командасынын утуу коэффициентин 3,3 деп баалоодо. Ал эми тажикстандыктардыкы — 2,19, тең чыгат дегендер — 3,28.
Favbet букмекеринде бир аз башкача көрчсөткүчтөр: кыргызстандыктар — 3,2, тажикстандыктар — 2,23, теңме-тең — 3,25.
Коэффициент канчалык төмөн болсо, жеңишке мүмкүнчүлүк ошончо жогору болот. Демек, бул оюнда тажик футболчулары — фаворит, бирок кыргызстандыктардын дагы мүмкүнчүлүгү жогору.
Кыргызстандын командасы F тайпасына туш келген. Кийинки этапка чыгуу үчүн алар Мьянма, Монголия, Япония жана Тажикстандын футболчулары менен күч сынашат.
Аталган эки команда 2018-жылкы дүйнө чемпионаты алдында беттешкен. Бишкекте оюн 2:2 эсеби менен аяктаса, Душанбеде кыргызстандыктар 1:0 эсебинде талаа ээлерин утуп алган.