БИШКЕК, 4-сен. — Sputnik. Билим берүү жана илим министринин милдетин министрликтин статс-катчысы Жапаркул Ташиев аткарат. Бул тууралуу өкмөттүн маалымат кызматынын башчысы Чыңгыз Эсенгул уулу билдирди.
4-сентябрда Гүлмира Кудайбердиева өз ыктыяры менен кызматтан кетүү тууралуу арызын жазган. Тийиштүү буйрукка президент Сооронбай Жээнбеков кол койгон.
"Биринчи орун басар сыяктуу, министрдин милдетин автоматтык түрдө статс-катчы аткарат", — деди Эсенгул уулу.
Билим берүү жана илим министрлигинин статс-катчысы Жапаркул Ташиев кызматка 2018-жылы январда келген.