БИШКЕК, 4-сен. — Sputnik. Өкмөттүн Нарын облусундагы ыйгарымдуу өкүлү Аманбай Кайыпов кызматтан кетүү боюнча арыз жазган жок. Маалыматты өзү Sputnik Кыргызстан агенттигине тастыктады.
Бүгүн айрым ЖМКлар жана социалдык тармактагы колдонуучулар Кайыпов отставкага кетти деп жазышкан.
"Кызматтан кетүү боюнча арыз жазган жокмун. Ордумда иштеп жатам", - деди Кайыпов.
Өкмөттүн маалымат кызматы дагы губернатор арыз жазбаганын тастыктады.