БИШКЕК, 1-сен. — Sputnik. YouTube компаниясы интернетте балдардын жеке маалыматтарын коргоо жөнүндөгү мыйзамды бузганы үчүн 150 миллион доллардан 200 миллион долларга чейин айып төлөйт. Бул тууралуу Politico басылмасы жазды.
Ага ылайык, тийиштүү келишим АКШнын Соода боюнча федералдык комиссиясы менен макулдашылган.
Эгер YouTube мындан ары балдар тууралуу маалыматтарды сураса айып төлөйт. Андан сырткары видеохостингдеги балдар контентине байланышкан саясат дагы өзгөрөт. Башкача айтканда, балдарга багытталган жарнамаларды өчүрүү каралган. Мындай чечим 2018-жылы АКШда 20дан ашык укук коргоо топтору арыздангандан кийин чыккан. Укук коргоочулар компания мыйзам боюнча 13 жашка чейинки балдар тууралуу маалыматтарды топтоп жаткан болсо аларды ата-энесине кабарлашы керектигин жүйө келтиришүүдө.