БИШКЕК, 30-авг. — Sputnik. Кыргызстандык жөө күлүк Дарья Маслова Белоруссияда өткөн жеңил атлетика боюнча чемпионатта жеңүүчү болду. Бул тууралуу аталган өлкөнүн Жеңил атлетика федерациясынын расмий сайтында айтылат.
Турнир 29-август күнү Минскиде башталган. Мелдештин алкагында медалдардан тышкары күз айларында Катарда өтчү дүйнө чемпионатына жолдомо ойнотулду.
Маслова сегиз киши менен 10 чакырымга чуркады. Жөө күлүк аралыкты 32 мүнөт 21 секундада чуркап өткөн. Экинчи орунду жергиликтүү спортчу Нина Савина (33 мүнөт 23 секунд) алса, үчүнчү болуп Ирина Сомова (33 мүнөт 44 секунд) келди.
Белгилей кетсек, Маслова Белоруссиянын жеңил атлетика боюнча кубогунда да алтын медаль тагынган.