БИШКЕК, 26-авг. — Sputnik. Бишкекте жаңы парктын аймагына Walt Disney кинокомпаниясы чыгарган мультфильмдердеги жаныбарлардын фигуралары коюлду. Бул тууралуу мэрия билдирди.
Маалыматка ылайык, Түштүк магистраль менен Чыңгыз Айтматов проспектисинин кесилишиндеги парктын курулушу соңуна чыгып бара жатат. Ушул тапта көрктөндүрүү иштери жасалууда.
30дан ашуун жан-жаныбардын фигурасы парктын жалпы аймагына орнотулду. Мультфильм каармандарын шаардыктарга жеке компания белек кылганы айтылат.
Жалпы жонунан фигураларды жасап орнотууга 200 миң сом кеткен.