БИШКЕК, 21-авг. — Sputnik. Бүгүн, 21-августта, Токмокто мечит күйүп кеткендигин Sputnik Кыргызстан маалымат агенттигине күбө кабарлап, окуя болгон жерден сүрөт жиберди.
"Эртең менен адамдар мечитке барганда, аны өчүрүп жатышканын көрүшкөн", — деди күбө.
ӨКМдин маалыматы боюнча, мечит Овчаров көчөсүндө жайгашып, аянты 300 чарчы метрди түзөт. Саат 3:54тө эки өрт өчүрүүчү бригада барып, 5:40та өрттү өчүрүшкөн.
Мындан тышкары, 21-августта өлкөдө дагы эки өрт катталды. Түндө Жалал-Абаддын борбордук базары күйүп кетсе, түштө Бишкекте тиричилик техникасы сакталган кампадан өрт чыккан.