БИШКЕК, 18-авг. — Sputnik. Америкалык мушкер Нейт Диаз Калифорнияда өткөн UFC 241 турниринин алкагында атаандашы Энтони Петтисти утуп алды.
Мушкерлердин беттешинин видеолору интернетке тарады.
Спортчулар сегиз бурчтукта 70 килограмм салмакта күч сынашты. Натыйжада Диаз калыстардын чечими менен ишенимдүү түрдө жеңишке ээ болду. Ал үч раундда тең активдүүлүгүн көрсөтө алды.
Белгилей кетсек, Диаз октагонго үч жылдан бери чыга элек болчу. Соңку беттештеринде ирландиялык Конор Макгрегорду муунтуу ыкмасы менен жеңип, реванш кармашта кайра ага калыстардын чечими менен утулуп калган. Жалпысынан аралаш мушташта 20 беттеште жеңишке жетип, 11 ирет утулган.
Ал эми Энтони Петтис ММА боюнча 22 беттешти утуп, 9 ирет жеңилген.