БИШКЕК, 16-авг. — Sputnik. Раиса Атамбаева уулу Кадыр Атамбаев менен Улуттук коопсуздук боюнча мамлекеттик комитеттин имаратынын алдына келди. Бул тууралуу кабарчыбыз жеринен билдирди.
Бүгүн мурдагы президент Алмазбек Атамбаевдин баш коргоо чарасы УКМКда каралат. Буга чейин процесс Бишкек шаардык сотунда болору айтылган эле.
Видеодон Раиса Атамбаев менен Кадыр Атамбаевдин УКМК имаратынын алдында чогулгандар менен сүйлөшүп турганын көрүүгө болот.
7-августта УКМКнын мурунку президент Алмазбек Атамбаевди кармоо операциясы ишке ашпай калган. Атайын даярдыктагы бөлүктүн аскерлерине Атамбаевдин тарапташтары катуу каршылык көрсөтүп, ок атылган. Айрым автоунаалар өрттөлүп, кээ бирлерин таш менен талкалашкан. Натыйжада спецназдын бир жоокери каза таап, 100дөн ашуун киши жаракат алган.
Кийин Алмазбек Атамбаев 26-августка чейин УКМКнын убактылуу кармоо жайына киргизилген.
Атамбаевге жалпысынан 14 айып тагылууда.