БИШКЕК, 12-авг. — Sputnik. Чүйдө 32 жаштагы Самат Кудайбергенов дайынсыз жоголду. Бул тууралуу Sputnik Кыргызстан агенттигине анын туугандары кабарлады. Маалыматты Ысык-Ата райондук ички иштер башкармалыгы да тастыктады.
Табышып койгула! Чүйдө 5 күндөн бери дайынсыз жоголгон киши изделүүдө. Сүрөт
© Фото / предоставлено родственниками пропавшего
Акыркы жолу Кудайбергеновду ушул жылдын 7-августунда ГЭС-5 районунан көрүшкөн. Ал кара түстөгү Volkswagen Golf автоунаасын айдап жүргөн.
"Анын бою болжол менен 170 сантиметр, арык чырай. Эки кашынын ортосунда калы бар", — деди Саматтын эжеси.
Милиция жана жоголгон адамдын туугандары Самат Кудайбергеновду көрүп-билгендер болуп калса 102 кызматына же (702) 52-08-87 номерине чалып коюуну өтүнүшүүдө.