БИШКЕК, 10-авг. — Sputnik. Кыргызстандык балбандар Азербайжанда дүйнө чемпионатына даярдана баштайт. Бул тууралуу Жаштар иши, дене тарбия жана спорт мамлекеттик агенттигинен билдиришти.
Маалыматка ылайык, грек-рим күрөшү боюнча улуттук курама команданын спортчулары Баку шаарында 11-августтан 24-августка чейин машыгат. Ал спортчулардын арасында Каныбек Жолчубеков, Мурат Рамонов, Узур Жузупбеков, Руслан Царев да бар. Алардын даярдыгы үчүн Олимпиадалык спорттун түрү боюнча дирекциясы 543 миң сом бөлдү.
Дүйнө биринчилиги 14-22-сентябрь күндөрү Нур-Султан шаарында өтөт.