БИШКЕК, 9-авг. — Sputnik. Чолпон-Атада Евразиялык өкмөттөр аралык кеңештин тар чөйрөдөгү мааракелик жыйыны башталды. Бул туурасында Sputnik Кыргызстан агенттигинин кабарчысы билдирди.
Жыйын Евразия экономикалык биримдикке мүчө өлкөлөрдүн өкмөт башчылары жана Евразия экономикалык комиссиянын төрагасы Тигран Саркисяндын катышуусу менен өтүп жатат.
Өкмөт башчылар экономикалык интеграция, нормативдик-укуктук базаны жакшыртуу, каржы саясаты, экономика, соода жана өнөр жай тармагында ЕАЭБге мүчө өлкөлөрдүн кызматташтыгын талкуулашат.
Күн тартибинде транс чек аралык кызматташуу, агрардык өнөр жай комплекстерин өнүктүрүүнүн биргелешкен божомолдору, алкоголдук рынокту жөнгө салуу жана башка маселелер бар.
Эске салсак, ЕАЭБге Россия, Казакстан, Армения, Белоруссия, Кыргызстан кирет.