БИШКЕК, 8-авг. — Sputnik. Жогорку Кеңештин кезексиз жыйынында депутат Алмазбек Баатырбеков УКМК төрагасы Орозбек Опумбаевдин мындан кийинки кадамдарына кызыкты.
Ал эл өкүлүнө жооп берип жатып, мындан аркы аракеттери мыйзамдуу түрдө болорун белгиледи.
"Мындан кийинки кадамдар башкача болот. Мен өз ишимди бүтмөйүнчө... Ошону бүтүп, жасап, анан кетем. Аны бүтмөйүнчө кетпейм!" — деди Опумбаев.
Буга чейин УКМК төрагасы Атамбаевди кармоо операциясы ишке ашпай калганы жана аскерлердин каза болуп, жаракат алганы үчүн күнөөлүү экенин моюндап, кызматын тапшыруу ниетинде президентке арыз бергенин айткан.
Ал эми мамлекет башчы Сооронбай Жээнбеков Жогорку Кеңеште билдирүү жасап жатып, Опумбаевдин отставкасын кабыл албаганын белгиледи. Буга анын мойнунда кырдаалды жайгаруу тапшырмасы турганы себеп экенин билдирди.