БИШКЕК, 8-авг. — Sputnik. Кой-Таштагы кырдаалдан беш киши жабыркап Бишкек шаардык травматология жана ортопедия илим изилдөө борборуна жаткырылды. Бул туурасында Саламаттыкты сактоо министрлигинен кабарлашты.
Ага ылайык, жабыркагандардын төртөө — укук коргоо органдарынын кызматкерлери, аларга ок тийген. Ал эми жай тургун катуу үн чыгаруучу гранатадан жабыркаган. Абалдары туруктуу. Министрлик беш киши Кой-Таштан же Көк-Жардан жабыркаганы белгисиз экендигин айтышты.
Жалпысынан 85 киши жапа чеккени кошумчаланды.
Ал арада укук коргоо органдарындагы өздүк булактар аркылуу эки күнгө созулган атайын операциядан кийин, 8-август күнү, саат 19.00дөр чамасында Алмазбек Атамбаевдин кармалганы белгилүү болгон.