БИШКЕК, 8-авг. — Sputnik. Борбор калаада абал тынч жана туруктуу. Бул тууралуу мэриянын маалымат кызматы билдирүү таратты.
Белгилей кетсек, 7-август күнү кечинде УКМКнын атайын даярдыктагы аскерлери Алмазбек Атамбаевдин үйүн басып алууга аракет кылышкан. Акыркы маалыматтар боюнча, 15 киши жаракат алып, бир жоокер ок жеген.
"Мэрияда Азиз Суракматовдун жетекчилиги алдында коомдук-саясий абалды талкуулаган кеңешме болуп өттү. Район жетекчилери укук коргоо органдарынын өкүлдөрү менен бирге кызмат орундарында. Окуяга көз салып жатышат", — деп айтылат маалыматта.
Муниципалитет тынчтыкты сактоого, чагымчылыкка алдырбоого чакырды. ШИИБдин 0708102000 WhatsApp-каналы дайым байланышта.