БИШКЕК, 4-авг. — Sputnik. Россиялык ырчы жана теле алып баруучу Ольга Бузованын Instagram аккаунтундагы бир жарнамалык посттун баасы миллион рублге жетет. Бул туурасында Forbes журналы жазып чыкты.
Аталган басылма Бузованы Россиядагы эң популярдуу Instagram блогери деп атады. Анын баракчасына катталгандардын саны 16 миллиондон ашат.
Ольга Бузова — ТНТ телеканалынын "Дом-2" реалити-шоусунун мурдагы катышуучусу, кийин алып баруучусу болгон. 2011-жылдан тарта шоу-бизнес чөйрөсүнө аралаша баштаган.
Ал эми дүйнөгө белгилүү жылдыздар Instagram баракчасындагы бир эле жарнамалык посту үчүн миллион долларга чукул акча алат. Алар кимдер экенине кызыгып жатсаңыз, бул жакка баш багыңыз.