Ымыркай 2-3 айлык кезинде эле энесинин жумушка чыгып кетиши баланын ден соолугу үчүн кооптуу. Мындай пикирин Эркин Аманкулова Sputnik Кыргызстан радиосунун таңкы эфиринде маек куруп жатып билдирди.
Анын айтымында, баланы 2-3 жашка чейин эне сүтү менен багыш керек.
"Эмчек эмизүү эне менен баланын ортосунда өмүр бою кала турган маанилүү катнаш. Эне сүтүндө көптөгөн баалуу витаминдер бар. Учурда төрөп эле, баласы 2-3 айлык убагында жумушка чыгып кеткен келиндер көбөйдү. Бул туура эмес. Мындай көрүнүш баласынын ден соолугу үчүн кооптуулук жаратат. Анткени эне сүтүндөгү заттар бардык тамак-аштан жогору турат. Баланы 2-3 жашка чейин эмизүү зарыл", — деди дарыгер.
Ал эне сүтүнүн маанилүүлүгү тууралуу маалыматтарды дарыгерлер элге жеткиргенге аракет кылып келерин кошумчалады.