БИШКЕК, 3-авг. — Sputnik. Pegasus Airlines компаниясынын Бишкек — Стамбул багыты боюнча учкан учагында бир жарым айлык ымыркай чарчап калды. Бул туурасында "Манас" эл аралык аба майданынын маалымат кызматынан билдиришти.
Учак саат 8:50 учуп чыгып, бир нече убакыттан кийин капитан жүргүнчүлөрдүн бири өзүн жаман сезип жатат деп "Манас" аэропортуна кайра конууга уруксат сураган. Саат 10:16да учак конуп, баланы аэропорттун дарыгерлери менен Бишкектин Тез жардам медицина борборунун кызматкерлери карап, ал чарчап калганын аныкташкан.
Аэропорттогу ишенимдүү кишинин айтымында, ымыркайды ата-энеси медициналык текшерүүгө алып бара жаткан. Бала өзүн жаман сезип баштаганда учак Казакстандын аба чек арасынан өтүп калган.
"Манаска" кайтып келген учак кайра учуп кеткен.