БИШКЕК, 31-июл. — Sputnik. Премьер-министр Мухаммедкалый Абылгазиев Centerra Gold Inc. компаниясынын президенти Скотт Перри менен жолукту. Бул туурасында өкмөттүн маалымат кызматы билдирди.
Перринин айтымында, 2019-жылдын алты айында Кумтөрдөн 9,2 тонна алтын казылган, 2018-жылы болсо ушундай эле аралыкта 5,7 тонна өндүрүлгөн. Ал эми геологиялык чалгындоо иштерине 2018-2019-жылдары 24 миллион доллар бөлүндү.
"Алдын ала алынган жыйынтыктар кенди иштетүүнүн мөөнөтүн дагы узартууга өбөлгө түзүүдө. Бул салык жана башка төлөмдөрдү алууга жана жумуш орундарын сактап калууга жакшы таасирин тийгизет", — деп айтылат маалыматта.
Өкмөт башчы кенди рекультивациялоо долбоорун өз убагында жана сапаттуу жасоо белгиледи. Перри аны колдоп, маселени өзүнчө макулдашуу менен ишке ашырууга ишеним артканы айтылат.