БИШКЕК, 31-июл. — Sputnik. Бишкектин четиндеги Манас айылында Mazda Demio үлгүсүндөгү автоунаа казылган чуңкурга түшүп кетти. Бул тууралуу Sputnik Кыргызстан агенттигине көлүктүн айдоочусу Назгүл Исакова билдирди.
Анын айтымында, окуя 30-июнь күнү саат 21:30да болгон.
Бишкектин четинде автоунаа чуңкурга түшүп кетти. Сүрөт, видео
© Фото / Назгуль Исакова
"Унаамды айдап бара жаткам. Маңдайдан чыккан машинанын жарыгы көздү уялтканда жолдо казылган чуңкурду көрбөй калдым. Бул чуңкурду ким жана эмнеге казып койгонун билбейм. Аңдын тереңдиги бир жарым метрдей. Коопсуздук жаздыгы болгондуктан жана саатына 20 чакырым менен келе жаткандыктан жабыркаган жокмун", — деди Исакова.
Бишкектин четинде автоунаа чуңкурга түшүп кетти. Сүрөт, видео
© Фото / Назгуль Исакова
Анын айтымында, кийинчерээк милиция кызматкерлери келген. Окуя болгон жерге эвакуатор чакыртылган. Бирок ал дагы чуңкурга түшкөн автоунааны чыгара албай жатат.