БИШКЕК, 29-июл. — Sputnik. Россия, АКШ жана Бельгиянын окумуштуулар тобу адамдын мээси кишинин тандаган кесибине жараша чоңоюп, кээде кичирейип турарын аныкташты. Бул тууралуу "Известия" басылмасы жазды.
Ал эми таксисттердин мээси дайыма өсүүнүн үстүндө болот. Себеби, алар күн сайын жаңы багыт менен жүрүп, аны жаттап калууга аракет кылышат. Андыктан мээнин жаңы нейрондорду чыгаруучу бөлүгү такай активдүү болуп турат. Бирок айдоочу навигаторду колдонгондон тарта мээнин активдүүлүгү дароо басаңдайт.
Керек болсо шахматчылардын да мээси кичирейип кетиши мүмкүн экен, бирок салыштырмалуу мүмкүндүгү азыраак. Адистер шахматчылардын мээсинин арткы бөлүгү кичирээк экенине көңүл бурушкан. Буга алардын кесиби үчүн дал ушул бөлүк анчейин "ишке аралашпай" турганы себеп болгон. Ушундай эле өзгөрүүлөр лингвисттерде да байкалган.