БИШКЕК, 24-июл. — Sputnik. Украинанын президенти Владимир Зеленский Киев шаарынын мэри Виталий Кличкону отставкага кетирүүгө камынууда. Бул туурасында Sputnik. Ближнее зарубежье Telegram-каналы кабарлады.
Украинанын лидери өкмөттөн тиешелүү сунуштама даярдоону суранган.
Буга чейин украиналык ЖМКлар Мамлекеттик иликтөө бюросу Киевдин мэрин жер тилкелерине байланышкан иш боюнча суракка чакырганын жазышкан.
Виталий Кличко Украинанын борбор калаасынын башчылыгына 2014-жылы дайындалган. Ал мурда боксчу болгон, кикбоксинг менен да алектенген. Бокс боюнча дүйнөнүн жана Европанын чемпиону. 2013-жылы спорттук карьерасын жыйынтыктаган. Бир тууган иниси Владимир Кличко да бокс боюнча дүйнө чемпиондугун багындырган.